A Coroa é unha adega familiar amparada pola DO Valdeorras e que aposta pola viticultura racional e moderna, aproveitando a personalidade da variedade godello e buscando sempre a calidade. A elaboración céntrase nun trato minucioso e racional da uva utilizando a mellor tecnoloxía e respectando plenamente a heteroxeneidade dos terreos.
O seu enólogo, Ángel Sánchez Cuesta, formado na Escola de Viticultura e Enoloxía de Requena (Valencia), conta con 17 anos de experiencia na comarca de Valdeorras. Coñecedor da súa viticultura e das súas variedades, é un dos pioneiros na elaboración de viños monovarietais con godello e mencía.
Conta con cinco parcelas, onde se conxugan unha boa orientación sur-sueste, vellas cepas e un microclima específico para conseguir unha óptima maduración dos acios. A vendima realízase manualmente en caixas de 15 kg. Os viñedos da Coroa son de produción integrada, dado que se busca preservar a calidade, o respecto polo medio natural e o coidado e a rexeneración da terra.
Os seus viños combinan unha delicada estrutura e unha expresión varietal de acentuada personalidade e orixinalidade. Presentan unha cor amarela verdosa que evolucionará a matices dourados.
Galicia Calidade, S.A.U. Complexo administrativo de San Lázaro, s/n. Edificio IGAPE 3o 15703 Santiago de Compostela
Telf.: +34 881 995 230 Fax: + 34 881 995 238 info@galiciacalidade.gal
