Kiwi Atlántico constituíuse no ano 1988 como resultado da unión de 30 kiwicultores de Galicia e Asturias coa clara vocación de lograr a maior rendibilidade para os seus socios. Actualmente conta con máis de 70 socios e 20 produtores colaboradores, con explotacións de diversas dimensións.
É unha sociedade formada unicamente por produtores con grande arraigamento na agricultura, avalada pola súa longa tradición no norte de España nas economías agrarias complementarias a nivel familiar. Esta unión de esforzos e de ideas á hora de cultivar permitiu unha comercialización conxunta, uniforme e empeñada en que o froito sexa da máxima calidade.
As zonas de produción proporciónanlle unhas características específicas a esta froita debido á acidez do solo e da auga, así como á falta de xeadas no outono, o que dá como resultado un froito cun grao de azucre ideal para o seu consumo e cun sabor agridoce longo e afroitado característico que non teñen as froitas doutras zonas europeas.
A comercialización realízase a partir de producións propias, con asesoramento técnico que uniformiza os criterios produtivos. As producións realízanse sen ningún tipo de tratamento pesticida. As actividades que desenvolve Kiwi Atlántico son a recepción, a conservación, a clasificación, o envasado e a expedición de kiwi.
Galicia Calidade, S.A.U. Complexo administrativo de San Lázaro, s/n. Edificio IGAPE 3o 15703 Santiago de Compostela
Telf.: +34 881 995 230 Fax: + 34 881 995 238 info@galiciacalidade.gal
