Inicio / NOVAS / Notas de prensa / A ACTRIZ MARÍA CASTRO, MADRIÑA DAS CINCO XOIERÍAS GALEGAS QUE PARTICIPAN EN IBERJOYA 2013 DA MAN DA CONSELLERÍA DE ECONOMÍA E INDUSTRIA
12/09/2013.

A ACTRIZ MARÍA CASTRO, MADRIÑA DAS CINCO XOIERÍAS GALEGAS QUE PARTICIPAN EN IBERJOYA 2013 DA MAN DA CONSELLERÍA DE ECONOMÍA E INDUSTRIA

As cinco marcas están avaladas polo selo Galicia Calidade

A actriz galega María Castro actuou hoxe como madriña das cinco empresas galegas que participan no recinto feiral do IFEMA, en Madrid, en Iberjoya 2013. Fink Orfebres de Santiago de Compostela, Unión Joyera de Bergondo, Ardentia, Óscar Rodríguez Joyeros e Piropo Joyas presentaron no stand instalado pola Consellería de Economía e Industria  as súas propostas en deseño e fabricación de xoias para esta edición número 50 do salón.

No acto, no que estiveron presentes tamén a directora xeral de Comercio, Sol Vázquez, o presidente da Federación Galega de Xoieiros, Óscar Rodríguez e o xerente de Galicia Calidade, Alfonso Cabaleiro, mostráronse as últimas creacións destes artistas que incorporan a innovación aos seus productos pero manteñen intacta a tradición dos artesáns galegos.

María Castro, que percorreu o stand no que están instalados as cinco marcas xoieiras onde probou as súas creación, destacou “a maxia, a arte, a fantasía e a delicadeza das pezas que elaboran os mestres artesáns galegos”. A actriz viguesa engadiu ao respecto das empresas que como estes cinco xoieiros levan a marca Galicia Calidade que “Galicia ten moito que mostrar e estou encantada de participar neste acto para contribuír a difundir a súa imaxe por todo o mundo.

Mentres o presidente da Federación Galega de Xoieiros, Óscar Rodríguez, agradeceu os esforzos de Galicia Calidade e a Fundación Galega de Artesanía para apoiar o traballo dos xoieiros galegos “grazas á súa colaboración proxectamos a marca Galicia en todo o mundo. Hai una simbiose perfecta entre os xoieiros, Galicia Calidade e Artesanía de Galicia”.

Alfonso Cabaleiro, xerente de Galicia Calidade, agradeceu pola súa banda, a confianza depositada polos xoieiros galegos para acompañalos nese camiño de “extender a súa producción a nivel internacional” e engadiu que precisamente a internacionalización “é un dos obxectivos estratéxicos primordiais para a marca Galicia Calidade nos próximos anos”.

Iberjoya 2013: 50 anos de traballo no sector

Iberjoya, o Salón Internacional de Xoiería, Pratería, Reloxería e Industrias Afins reúne nesta edición 2013 a 209 expositores procedentes de distintas zonas de España e do resto de Europa pero tamén de China, Alemaña, Estados Unidos, India ou Corea, entre outros países. Ademáis da alta xoiería e reloxería, neste certame preséntanse coleccións de moda e tendencias, novas canles de distribución, as solucións tecnolóxicas máis novedosas para os procesos de producción ou xestión comercial ou as últimas novidades en ourivería e industrias afins. O salón está dirixido unicamente a profesionais e ofrece un entorno estratéxico, un encontro de oferta e demanda onde os participantes, tanto expositores como visitantes, poden descubrir ideas e encontrar novas oportunidades de negocio. Na pasada edición convocou a 14.500 profesionais de 82 países.

Iberjoya é así unha oportunidade para que estas cinco empresas galegas, dentro da súa estratexia de internacionalización, podan presentar as súas creacións a compradores de todo o mundo. Todas están amparadas tanto pola marca Artesanía de Galicia coma polo selo de Galicia Calidade, grazas ao convenio de colaboración posto en marcha co Colexio Oficial de Xoieiros para conceder esta certificación que só se outorga a produtos e servizos que traballan con materias primas de alta calidade, desenvolven unha producción óptima e aportan excelencia no servizo.

A participación neste salón enmárcase dentro da estratexia de Galicia Calidade e a Fundación Centro Galego da Artesanía e do Deseño de apoio a sectores como o da xoiería a través de campañas de promoción, asistencia a feiras e todo tipo de eventos que podan reforzar o seu prestixio en España e tamén a nivel internacional e que lles permitan abrir novos mercados. Ademais de en Iberjoya, estas cinco empresas galegas participan en feiras internacionais como Inhorgenta de Münich, Bijohrca de París ou As Vegas e así as xoias con denominación de orixe galega están en escaparates dos cinco continentes, desde Estados Unidos, Alemaña ou o Reino Unido a outros mercados en expansión como os países do Leste ou o Golfo Pérsico.

Tendencias  outono-inverno 2013

As empresas galegas presentes en Iberjoya expoñen as últimas novidades en alta xoiería e tamén as novas propostas de vangarda. Nas vitrinas do stand de 100 metros cadrados que se instalou na feira, poden verse mostras de creacións artesanais tradicionais, deseños innovadores e tamén xoias que seguen as tendencias principais das coleccións da próxima temporada outono-inverno: o ouro rosado, as cadenas de grandes eslabóns para pulseiras, colares y reloxos, os brazaletes, as moedas, as perlas en todas as súas variantes están tamén presentes nas creacións destes cinco xoieiros galegos.

Unión Joyera de Bergondo presenta nesta edición dúas liñas moi diferentes de produtos: os deseños espectaculares da alta xoiaría, con diamantes, esmeraldas, rubís ou zafiros coidadosamente seleccionados, pezas clásicas únicas; e unha liña accesible a todos os públicos nas que o deseño ten unha especial relevancia. Son pezas nas que se combinan cores diversas e variadas texturas de ouro con pedras de diferentes cores e se seguen as tendencias actuais en deseño de xoias: desde caveiras ata formas inspiradas na natureza como flores ou animais.

Ardentia, pola súa banda, presenta entre outras a súa colección Enova, en prata e acibeche con pendentes, aneis, colgante e alfinete, pezas elaboradas artesanalmente con materiais de primeira calidade. Esta firma de Bergondo acode a Iberjoya co obxectivo dar a coñecer o carácter diferenciador das súas coleccións, deseños contemporáneos en plata de ley y esmalte a fuego inspirados en elementos del entorno que aportan personalidad a cada una de sus piezas.

Fink Orfebres participa no certame coas novas coleccións para a temporada centradas na investigación de formas, texturas e cores. Esta empresa santiaguesa, que se dedica ao deseño, fabricación e comercialización da xoiaría de prata seguindo a tradición dos mestres ourives de Santiago de Compostela, traballa en deseños propios en prata e acibeche, esmaltes ao fogo e pedras semi-preciosas con acabados diversos: mate, brillo, texturas e dourados.

Óscar Rodríguez, que participa desde 1995 nesta cita internacional, presenta en Iberjoya 2013 60 obras integradas nas coleccións Tesouros do Mar, xoias de cunchas con ouro, metais preciosos e diamantes e Tesouros da Terra, xoias de minerais, con ouro, metais preciosos e diamantes.

Coa nova marca da empresa, Piropo Joyas, diríxense a un cliente que segue a moda e nesta edición 2013 de Iberjoya presentan por vez primeira, ademais das súas propostas en xoiaría, as súas coleccións de reloxería e complementos de pel. En xoiaría, Piropo Joyas leva nesta edición á feira a súa colección Orgullo, pezas cunha estética elegante e moi feminina onde as trenzas, seguindo as tendencias máis actuais, ocupan un lugar destacado.

 

 

 

 

 

 

 

Redes sociais

Multimedia