Inicio / NOVAS / Notas de prensa / GALICIA CALIDADE ACHEGA AO MERCADO MADRILEÑO DE SAN ANTÓN A EXCELENCIA DOS PRODUTOS GALEGOS CON SHOWCOOKINGS E DEGUSTACIÓNS
24/03/2014.

GALICIA CALIDADE ACHEGA AO MERCADO MADRILEÑO DE SAN ANTÓN A EXCELENCIA DOS PRODUTOS GALEGOS CON SHOWCOOKINGS E DEGUSTACIÓNS

O popular recinto comercial acollerá o venres 28 e o sábado 29 demostracións culinarias do premio nacional de gastronomía Kike Piñeiro, do barista Óscar del Toro ou do sumiller Óscar Quintana

A Consellería de Economía e Industria, a través de Galicia Calidade, achegará ao mercado madrileño de San Antón a excelencia dos produtos gastronómicos galegos cunha iniciativa que se desenvolverá o vindeiro venres día 28 e o próximo sábado 29, e que inclúe showcookings e degustacións.

Más de 20 empresas de distintos sectores estarán representadas nas demostracións e talleres que se realizarán no popular recinto comercial realizados por destacadas figuras da gastronomía e sumillería galega como son o gañador do Certame nacional de gastronomía Kike Piñeiro, coordinador do apartado gastronómico; Óscar del Toro, mellor barista galego 2010 e 2011, e Óscar Quintana, nariz de ouro 2014 da zona norte. Completan o equipo de profesionais Iván Méndez, Eloy Cancela, Mark Wernink, Conchi Peiteado e Miguel Ibáñez.

Na planta baixa recibirase aos cidadáns con cafés de pota realizados con auga mineral, froita fresca ou mesmo tarta de Santiago, todos os produtos certificados por Galicia Calidade. Ademais tamén se ofrecerán outros produtos como xamón, queixo, merluza do pincho, pan, tenreira galega, castañas, todo aderezados cos mellores caldos, cervexa e licores.

Entre as empresas particantes a acción contará coa presenza de Estrella Galicia, Cabreiroá, Coren, Torre de Núñez, Ingapán, Hornos San Fiz, Luís Escurís Batalla, Merluza do Pincho, Aguas de Mondariz, Gargalo, Grupo HGA Bodegas, Valtea, Bodegas Nairoa, Bodegas Ruchel, Castro Baroña, Adega dos Eidos, Customdrinks, Pazo Vilane, Caracoles do Gallo, Patatas Conde, Queixería Cas Leiras e Kiwi Atlántico. Ademais tamén contará coa presenza das Indicacións Xeográficas Protexidas como Ternera Gallega ou Castaña de Galicia.

Promoción no punto de venda
Con esta acción Galicia Calidade busca promocionar os produtos fóra da nosa comunidade e directamente no punto de venda, onde os consumidores podan apreciar a calidade dos produtos galegos. Na actualidade, cada día é máis importante para as empresas estar presentes onde os consumidores elixen os produtos, e onde se pode incidir nesta toma de decisións.

Entre as actividades a desenvolver cada día haberá showcookings cos produtos das empresas participantes entre as 12.30 e as 15.30 horas. Pola noite, acompañados dos produtos da empresa Hijos de Rivera, programarase unha “tapas en lata”, poñendo en valor a industria conserveira galega, todo aderezado con música en directo. O recinto acollerá tamén unha exposición de Artesanía de Galicia.

Redes sociais

Multimedia