Inicio / NOVAS / Notas de prensa / GALICIA CALIDADE PATROCINA O CONCURSO DE TAPAS DO CARBALLIÑO
03/05/2011.

GALICIA CALIDADE PATROCINA O CONCURSO DE TAPAS DO CARBALLIÑO

Os locais de hostalería deste concello ourensán ofrecerán unha degustación dos produtos amparados pola marca de garantía autonómica

Un mes máis O Carballiño celebra a súa ruta tapeira, e nesta ocasión dedicada ao selo autonómico de Galicia Calidade. Todos os hostaleiros da vila incluídos na ruta realizarán tapas cos produtos que leven ese selo de calidade gastronómica. Conservas, embutidos, viños e licores, serán a base destas tapas. O xerente de Galicia Calidade, Carlos Vila, asistiu a esta presentación, e xunto ao edil de turismo Manolo Dacal, aseguraron que “contar con este selo é un salto de calidade para as rutas tapeiras da vila e, ao mesmo tempo, é o perfecto escaparate para mostrar estes produtos galegos”.

A ruta tapeira comezaron o pasado venres, e prolongarase durante toda esta semana. Os clientes que acudan a algún dos 14 establecementos adscritos a esta ruta deberán levar a súa cartilla, para ser selada en cada establecemento, e optar ao final ao premio deste mes, que non será económico senón un lote de produtos de Galicia Calidade.

Redes sociais

Multimedia