Da man de Galicia Calidade, os asistentes poden gozar no Village de Baiona de degustacións dalgúns dos mellores produtos da terra
O Mundial J80 Baiona 2023 é o evento máis esperado da tempada. E tamén o máis internacional. Con case 80 equipos rexistrados e regatistas vindos de máis de 40 nacionalidades.
Tal e como estaba previsto no programa, o luns 18 a frota estreouse nas Rías Baixas coa disputa da practice race. O vento, que se presentou con moi boas condicións tras o paso da borrasca do domingo, permitiu que a frota completase unha manga na que os equipos puideron medirse por primeira vez.
Unha vez en terra, ás oito da tarde tivo lugar a cerimonia de inauguración no village do club baionés ante centos de persoas entre regatistas, acompañantes, membros da organización e autoridades. O acto estivo presidido por José Luis Álvarez, presidente do Monte Real Club de Yates de Baiona, e contou tamén coa presenza de Armando Gutiérrez, presidente da clase J80 España, e Jesús Vázquez Almuiña, alcalde de Baiona. A xornada deste luns tamén supuxo o arranque doutro dos grandes atractivos do Mundial.
Da man de Galicia Calidade, os asistentes á inauguración puideron gozar de degustacións dalgúns dos mellores produtos da terra ecertificados polo selo de garantía: queixo San Simón de Quesería Daniberto e Casleiras, queixo Arzúa Ulloa de Pazo de Anzuxao e Barral, queixo de tetilla de Pazo do Queixo e Quesos Feijoo, queixo do cebreiro de Santo André, xamón de Coren, empanada de atún en conserva Cortizo, tortilla elaborada con Patacas Gándara, cebola de Legufrut e ovos de Ecocentro, Campomayor, Pazo de Vilane, Avícola Rías Baixas e Avícola Tratante, todo acompañado de cervexas Estrella Galicia e augas Cabreiroá.
Así, con todo listo para empezar, este martes estreouse a competición co primeiro asalto no campo de regatas e tres mangas das quince programadas ata o vindeiro sábado. Unha vez finalizada a xornada os participantes reuníronse de novo no village do Monte Real, onde este martes puideron gozar dunha degustación de polbo de Rosa de Los Vientos e conservas de marisco (mexillón, sardiña, agulla e zamburiñas) de Escurís, Rianxeira e Conservas Cortizo.
O Mundial J80 Baiona 2023 celébrase baixo a organización do Monte Real Club de Yates de Baiona co patrocinio de Turismo de Galicia e Galicia Calidade.
